ابليس متعجبا من حال البلاد والعباد

على باب سفارة كندا..لمحت ابليس وفي ايده استمارة
بقوله على فين .. قاللى بص..ياهجرة يااعارة
ياعم زهقت..كفرت..الاقيش معاك سيجارة؟
انا انتهيت خلاص..لانافع وسواس ولا خناس..ولالياعيش وسط الناس
دى عالم مجرمين..عندكوافائض فى الفساد..فى كل البلاد
ومش محتاجين شياطين..مليش عيش فى دى البلاد
بقالى سنين عاطل..وانتوا بتعرفواتقلبوا الحق باطل
وتسلكوا القاتل..وتمشوا فىجنازة المقتول..ومافيش مشاكل..ياعم دانابقيت اوسوس بالمقلوب
واقول للحرامى ...كفايه...توووووب
انت ايه..لوحدك هتعمل كل الذنوب
وانا ابليس هشتغل واعظ..وللا كمسارى غىاتوبيس
ياعم داانا زمان..كنت استنى حد ينسى يسمى وهو بياكل لقمته
داللوقتى اكلكم ملوث...وبصراحة الواحد خايف على صحته...دامافيش ضمير اساسا علشان اموته..وكل واحد بمزاجه...خربانة زمته..ياعم دى كل حاجة اتسرقت..وكده الاجيال الجديدة والحرامية
اتظلمت...ياراجل دامنكتر مالطشت معايا..خرجت فىمظاهرة مع الناس اللى بتقول كفاية.
وبرضه...مافيش فايــــــــــدة.

منقول

فعلا عنده حق كفايه وبرضو مافيش فايدة

مشكور على ما نقلت

» الامثال العربية عن ابليس
» انظر الى صورة ابليس بين الشياطين .
» الايه التي ابكت ابليس